ShQO-da joǵalyp ketken 4 jasar bala aman-esen tabyldy
ÓSKEMEN. QazAqparat – Shyǵys Qazaqstan oblysy Ulan aýdanynyń polıtsııa qyzmetkerleri joǵalyp ketken 4 jasar balany tapty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Gerasımovka aýylynyń turǵyny «102» jedel arnasyna habarlasyp, balasynyń joǵalyp ketkendigin aıtqan. Tártip saqshylary búldirshindi izdestirý jumystaryna jedel kiristi.
«Polıtseıler bala bolýy múmkin jerlerdi túgel tekserdi. Jaqyn mańdaǵy sý aıdyndary da qaralǵan. Sonyń nátıjesinde 1 saǵattyń ishinde bala tabyldy. Anyqtalǵandaı, ol dostarymen oınap júrip alysqa ketip qalǵan. Onyń densaýlyǵyna eshqandaı zaqym kelmegen», - dep habarlady vedomstvo ókilderi.
Áıel adam óz kezeginde balasyn jyldam taýyp bergen polıtsııa qyzmetkerlerine alǵysyn bildirdi.
