ShQO-da joǵalyp ketken 13 jasar jetkinshek tabyldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda joǵalǵan jetkinshek aman-esen tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 28 qazanda saǵat 19.00 shamasynda áıel adam «102» jedel arnasyna habarlasqan.
Óz sózinde ol kámeletke tolmaǵan balasynyń bir kún buryn úıden dalaǵa serýendeýge shyǵyp ketip, sol kúıi qaıtyp oralmaǵanyn jetkizdi.
Oqıǵa ornyna jedel-tergeý toby kelip jetken. Barlyq jeke quram 13 jastaǵy jetkinshekti izdeýge jumyldyryldy.
Bala barýy múmkin degen barlyq oryndar, kósheler men aýlalar, onyń týystary men dostarynyń úıleri jáne ózen jaǵasy tekserildi.
«Sonyń nátıjesinde oqýshynyń qaıda ekeni anyqtaldy. Belgili bolǵandaı, ol ata-anasyna eskertpeı dosynyń úıinde qonyp qalǵan. Osyǵan deıin de jetkinshek birneshe ret úıden eskertpeı ketip otyrǵan. Polıtsııa qyzmetkerleri oǵan jáne ata-anasyna profılaktıkalyq áńgime ótkizdi», - delingen aqparatta.
