ShQO-da joǵalyp ketken 12 jasar qyz basqa qaladan tabyldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda iz-túzsiz joǵalyp ketken jetkinshek Rıdder qalasynan tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 24 maýsym kúni keshki ýaqytta Glýbokoe aýdanynyń turǵyny «102» jedel arnasyna qońyraý shalǵan. Er adam óz sózinde 2008 jylǵy qyzy Knelts Marına Romanovnanyń joǵalyp ketkenin jetkizdi.
«18 maýsymda jetkinshek Cheremshanka aýylyndaǵy úıden syrtqa shyǵyp ketip, sol kúıi qaıtyp oralmaǵan. Polıtsııa qyzmetkerleri men volonterler jedel-izdestirý sharalaryna kiristi. Sonyń nátıjesinde, qyz Rıdder qalasynan tabyldy. Qazirgi ýaqytta tártip saqshylary oqıǵanyń mán-jaıyn anyqtap jatyr», - dep habarlady vedomstvo ókilderi.
Esterińizge sala ketsek, osyǵan deıin Shyǵys Qazaqstanda 12 jasar jetkinshektiń joǵalyp ketkenin habarlaǵan bolatynbyz.
