ShQO-da joǵalyp ketken keıýananyń denesi tabyldy

Shyǵys Qazaqstan oblysy Glýbokoe aýdanynda úıden shyǵyp ketip, jarty aıdan astam ýaqyt boıy habar-osharsyz joǵalǵan zeınetkerdiń denesi tabyldy, dep habarlaıdy Kazinform.

Glýbokoe aýdany Beloýsovka kentinde turatyn Kýpsıýk Vera Grıgorevna 10 qarasha kúni úıden belgisiz baǵytta shyǵyp ketip, sol kúıi oralmaǵan. Alaıda onyń joǵalǵany týraly habar polıtsııa qyzmetkerlerine tek 26 qarashada tústi.

Tártip saqshylary jedel-izdestirý sharalaryna shuǵyl kirisken bolatyn. Sondaı-aq izdestirýge eriktiler de jumyldyrylǵan.

ShQO Polıtsııa departamentiniń málimetine súıensek, búgin 74 jastaǵy keıýananyń denesi tabyldy. Alaıda onyń naqty neden kóz jumǵany tek saraptamadan keıin ǵana belgili bolmaq. Máıittiń qaıdan tabylǵany týraly da aqparat berilmedi.

Esterińizge salsaq, osyǵan deıin ShQO-da úıden belgisiz baǵytta shyǵyp ketken zeınetkerdiń jarty aıdan beri tabylmaı jatqanyn habarlaǵan edik.