ShQO-da joǵalǵan úsh jasar balany izdeýge 621 adam jáne tikushaq tartyldy
ÓSKEMEN. QazAqparat – Shyǵys Qazaqstan oblysy Ulan aýdanynda joǵalǵan 3 jasar balany izdeýge 600-den astam adam tartyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Ulan aýdany Tavrııa aýylynda polıtseıler, qutqarýshylar, eriktiler men janashyr turǵyndar túni boıy 3 jasar balany izdegen.
Ádilhan Seısembaıdyń joǵalyp ketkeni týraly onyń ákesi polıtsııaǵa habarlady.
Aıtýynsha, bala ádettegideı aýlaǵa oınaýǵa shyqqan, biraq biraz ýaqyttan keıin joǵalyp ketken. Osy ýaqytqa deıin onyń qaıda ekeni belgisiz.
«Qazirgi ýaqytta aýqymdy izdestirý operatsııasy júrgizilip, aýyl aýmaǵy 16 sektorǵa bólingen. Barlyǵy 621 adam jumyldyryldy. Sondaı-aq kvadrokopterler men tikushaq tartylǵan», - delingen aqparatta.
Balanyń boıy 90-100 sm, dene bitimi aryq, shashy qara, kózi qońyr.
Ústinde jasyl tústi fýtbolka, aq-kók tústi qalpaq, jasyl tústi shorty, qara-kók tústi krossovka bolǵan.
Joǵalǵan balanyń ornalasqan jeri týraly qandaı da bir aqparat bolsa «102» jedel arnasyna habarlasý qajet.
