ShQO-da joǵalǵan áıeldiń denesi ózen jaǵasynan tabyldy
ShQO Polıtsııa departamenti baspasóz qyzmetiniń málimetine súıensek, 10 tamyz kúni Shemonaıha qalasynda 52 jastaǵy áıeldiń joǵalyp ketkeni jaıly habar tústi.
Ol tańǵy saǵat 7.17-de Kalınına kóshesindegi úıinen belgisiz baǵytta shyǵyp ketip, sol kúıi qaıtyp oralmaǵan. Keıbireýler polıtsııaǵa onyń Úbe ózenine qaraı bara jatqanyn kórgenin jetkizdi.
«Sol kúni áıel adamnyń máıiti Úbe ózeniniń jaǵasynan tabyldy. Alaıda onyń naqty neden kóz jumǵanyn áli belgisiz. Tıisti saraptamalar taǵaıyndalǵan. Qalǵan aqparat QR Qylmystyq-protsestik kodekstiń 201-babyna sáıkes (Sotqa deıingi tergep-tekserý derekterin jarııa etýge jol bermeý) jarııa etilmeıdi», - delingen aqparatta.
Eske salsaq, osyǵyn deıin Shyǵys Qazaqstanda tamyz aıy bastalǵaly ózen jaǵasynan eki adamnyń máıiti tabylǵany habarlanǵan.