ShQO-da jylyna 50 tonna ónim beretin balyq ósirý kesheni salynady

ASTANA. KAZINFORM – Shyǵys Qazaqstan oblysynda quny 348 mln teńge bolatyn balyq sharýashylyǵy salasyndaǵy jańa joba iske qosylmaq. «Samal Taý» seriktestigi jylyna 50 tonna ónim óndiretin balyq ósirý kesheniniń qurylysyn bastaǵaly otyr, dep habarlaıdy QR Aýyl sharýashylyǵy mınıstrliginiń baspasóz qyzmeti.

Baspasóz qyzmetiniń málimetterine qaraǵanda, 2025–2026 jyldarǵa josparlanǵan joba sheńberinde balyq ósirýge arnalǵan eki angar, jem qoımasy jáne bes arnaıy toǵan salý kózdelgen.

Eki angar men toǵandar júıesi forel tuqymdaryn ósirýge arnalmaq.

Óndiristik bólimi dıametri 6 metr, bıiktigi 1,1 metr bolatyn jıyrma dóńgelek basseınmen, sondaı-aq ólshemderi 15×1,1 m jáne 12×1,1 m bolatyn eki kapsýla tárizdi basseınmen jabdyqtalady. Qosymsha taǵy bes toǵan qamtylǵan. Onyń úsheýi — 15×15 m, ekeýi — 20×15 m kóleminde.

Basty maqsat — óńirde atalǵan sala damýyna tyń serpin berý jáne otandyq balyq sharýashylyǵynyń áleýetin nyǵaıtý.

Osyǵan deıin Qyzylorda oblysynda qaldyqsyz ónim shyǵaratyn balyq zaýyty týraly jazdyq.