ShQO-da jyl bastalǵaly 50-den astam náreste dúnıege keldi

ÓSKEMEN. KAZINFORM — Shyǵys Qazaqstan oblysynda 2026 jyldyń alǵashqy 4 kúninde 50-den astam náreste dúnıege keldi. 

ShQO Densaýlyq saqtaý basqarmasy baspasóz qyzmetiniń málimetine súıensek, 2026 jyldyń basynan óńirde 27 ul bala jáne 27 qyz bala jaryq dúnıe esigin ashqan. 

— Dárigerler jańa jyl kezinde de, odan keıingi mereke kúnderinde de ádettegideı úzdiksiz jumys istedi. 1 qańtar saǵat 00:00–den 2 qańtarǵa deıingi aralyqta 12 balanyń kindigi kesilgen. Onyń ishindegi 8-i ul jáne 4-i qyz. Al 2 qańtardan 4 qańtarǵa deıin 19 ul jáne 23 qyz bala týyp, jalpy 42 náreste dúnıege keldi, — delingen aqparatta.

Sondaı-aq 1-4 qańtar aralyǵynda jedel járdemge 300-den astam adam júgingen. 

270 adam kóshede, 69 adam úıde túrli jaraqat aldy. Eki azamat jol-kólik oqıǵasynan, al alty adam petardadan jaralanǵan.

Eske salsaq, osyǵan deıin ShQO-da júkti áıel tikushaqpen aýrýhanaǵa jetkizilgeni habarlanǵan.