ShQO-da jyl basynan beri aqsha bopsalaýdyń 14 deregi tirkeldi
ÓSKEMEN. KAZINFORM — Shyǵys Qazaqstan oblysynda osy jyldyń basynan beri polıtseıler aqsha bopsalaýdyń 14 deregin tirkedi.
Óskemende kezekti qylmystyń joly kesildi. 26 jastaǵy er adam tanysynan «zańǵa qatysty máselelerdi sheshýge kómektesemin» degen jeleýmen 200 000 teńge kóleminde aqsha bopsalaǵan.
— Jábirlenýshi talap etilgen somany ýaqytyly bere almaǵan soń, ol bul somany 400 000 teńgege deıin arttyryp, qoqan-loqqy kórsetý arqyly qysym jasaýdy jalǵastyrǵan. Azamat polıtsııaǵa júgingennen keıin, qylmys faktisi qujattalyp, aqshanyń bir bóligin berý barysynda baqylaý uıymdastyryldy. Kúdikti aqshany alý kezinde ustaldy, — dep habarlady ShQO polıtsııa departamentinen.
Ustalǵan azamattyń kóligi men páterin jedel tintý barysynda aqshalaı qarajat jáne sýyq qarý sanatyna jatatyn kastet tárkilendi. Sotqa deıingi tergeý amaldary jalǵasyp jatyr.
Jalpy oblys boıynsha jyl basynan beri aqsha bopsalaýdyń 14 deregi tirkeldi.
— Bopsalaý áreketi árdaıym qoqan-loqqy men qysymnan bastalady. Mundaı jaǵdaıda polıtsııaǵa der kezinde júginý qylmystyń jolyn kesýge jáne kinálilerdi jaýapqa tartýǵa kómektesedi, — delingen aqparatta.
Eske salsaq, osyǵan deıin Oralda bopsalaý jáne tonaýmen aınalysqan qylmystyq top quryqtalǵagy habarlanǵan. https://kaz.inform.kz/news/oralda-bopsalau-zhane-tonaumen-aynaliskan-kilmistik-top-kuriktaldi-0013bf/
Botakóz Kenjehanqyzy