ShQO-da jyl basynan beri 49 myńǵa jýyq adam JRVI juqtyrdy

ÓSKEMEN. KAZINFORM – Shyǵys Qazaqstan oblysynda osy jyldyń basynan beri 48 636 JRVI-ge shaldyqty.

ShQO Sanıtarlyq-epıdemıologııalyq baqylaý departamentiniń málimetine súıensek, JRVI juqtyrǵandardyń ishinde 14 jasqa deıingi balalar arasynda - 28 394. Bul jalpy aýyrǵandar úlesiniń 58%-yn quraıdy.

- Júkti áıelder arasynda 200 jaǵdaı, 1 jasqa deıingi balalarda 852 jaǵdaı tirkelgen. Jyl basynan beri zerthanalyq jolmen rastalǵan tumaý men COVID-19 faktileri tirkelgen joq, - delingen aqparatta.

Basqa respıratorlyq vırýstarǵa barlyǵy 265 synama alynyp, onyń 51-inen birqatar vırýs bar ekeni anyqtaldy.

- Shyǵys Qazaqstan oblysynda jergilikti bıýdjet qarajaty esebinen tumaýǵa qarsy vaktsınanyń 75 myń dozasy satyp alynǵan. Qazirgi tańda óńir boıynsha barlyǵy 77 048 adam egildi. Vaktsına saldyrǵandar arasynda asqyný faktileri tirkelmedi, - delingen habarlamada.

Eske salsaq, osyǵan deıin Almatyda 15 myń turǵyn JRVI men tumaý juqtyrǵany habarlanǵan.