ShQO-da jyl basynan beri 100-den astam adam vaktsına saldyrýdan bas tartty

ShQO sanıtarlyq-epıdemıologııalyq baqylaý departamentiniń málimetine súıensek, óńir halqy arasynda osy jyldyń basynan beri vaktsına alǵannan keıingi jaǵymsyz áserler tirkelmegen.

— Alaıda keıbir turǵyndar áli de ekpe alýdan bas tartyp jatyr. Bıyl profılaktıkalyq ekpelerden bas tartýdyń 105 jaǵdaıy tirkeldi. Onyń ishinde 97-si jeke senimderge baılanysty, beseýi vaktsınaǵa senimsizdik tanytsa, taǵy úsh jaǵdaı buqaralyq aqparat quraldarynan alynǵan jaǵymsyz aqparattyń áserinen bolǵan, — delingen aqparatta.

Ekpeden bas tartý jaǵdaılary eń kóp Óskemen qalasynda (80) jáne Glýbokoe aýdanynda (14) tirkeldi. Jas ereksheligi boıynsha eń kóp bas tartý bir jasqa deıingi balalarǵa salynatyn ekpelerge qatysty bolyp otyr. 

— Halyqty vaktsınatsııalaý nátıjesinde dıfterııa, sirespe, kókjótel, qyzamyq, epıdemııalyq parotıt, qyzylsha, V vırýstyq gepatıti, polıomıelıt, týberkýlez jáne gemofıldi ınfektsııa sııaqty juqpaly aýrýlardyń taralý deńgeıi aıtarlyqtaı tómendedi. 2008 jyly ekpe kúntizbesine gemofıldi ınfektsııaǵa qarsy vaktsına engizildi. Sodan beri elimizde náresteler ólimi 20,2 paıyzǵa tómendedi, — delingen habarlamada.

Eske salsaq, osyǵan deıin Aqmola oblysynda tirkelmegen 7 myńnan astam jylqy men jalǵan vaktsınatsııa deregi anyqtalǵany habarlanǵan.