ShQO-da jıhaz tsehy órtenip ketti
ÓSKEMEN. QazAqparat - Shyǵys Qazaqstannyń Shemonaıha qalasynda jıhaz tsehy órtenip ketti, dep habarlaıdy QazAqparat tilshisi.
Oqıǵa senbi kúni bolǵan. Ýrıtskıı kóshesindegi tsehtan shyqqan órt 480 sharshy metr aýmaqty sharpyǵan. Órt sóndirýshiler qyzyl jalynmen 2 saǵat boıy arpalysyp, janyndaǵy úı men jıhazdardy aman alyp qalǵan.
«Órtten zardap shekken adam joq. Ony aýyzdyqtaýǵa jeke quramnyń 12 qyzmetkeri men 3 tehnıka jumyldyryldy. Apatqa abaısyzdyq pen tehnıkalyq qaýipsizdik erejeleriniń saqtalmaýy sebep boldy degen boljam bar» delingen Tótenshe jaǵdaılar departamenti taratqan aqparatta.
