ShQO-da jetim qalǵan eki balaǵa 3 jyl boıy járdemaqy tólenbeı kelgen – prokýratýra
ÓSKEMEN. KAZINFORM – Shyǵys Qazaqstan oblysy Altaı aýdanynda prokýratýra aralasqannan keıin jetim qalǵan eki balaǵa járdemaqy tólene bastady.
Prokýratýraǵa habarlasqan azamat óz qamqorlyǵyndaǵy nemeresiniń áleýmettik quqyqtarynyń buzylýyna qatysty aryz jazdy.
- Tekserý barysynda belgili bolǵandaı, kámeletke tolmaǵan balalar 2023 jyldyń tamyz aıynan bastap ájeleriniń qolynda turyp jatyr. Alaıda zań talaptaryna qaramastan, sol ýaqyttan bastap 2026 jyldyń qańtaryna deıin olarǵa asyraýshysynan aıyrylýlaryna baılanysty járdemaqy taǵaıyndalmaǵan, - dep habarlady ShQO prokýratýrasynan.
Aýdan prokýrory ýákiletti organnyń atyna prokýrorlyq den qoıý aktisin engizdi. Osydan keıin mektepte balalarǵa 575 myń teńge kóleminde járdemaqy qaryzy tólenip, aı saıynǵy tólem taǵaıyndaldy.
Eske salsaq, osyǵan deıin elimizde asyraýshysynan aıyrylǵan otbasylarǵa tólenetin járdemaqy mólsheri artqany habarlanǵan.
