ShQO-da jergilikti emhana qyzmetkerlerinen 331 mobıldi top jasaqtaldy
ÓSKEMEN. QazAqparat - Shyǵys Qazaqstan oblysynda jergilikti emhana qyzmetkerlerinen 331 mobıldi top jasaqtalǵan. Olar karantın ýaqytynda turǵyndarǵa medıtsınalyq kómek kórsetýde. Bul jaıly Aımaqtyq kommýnıkatsııalar qyzmetinde ótken baspasóz máslıhaty barysynda ShQO Densaýlyq saqtaý basqarmasynyń basshysy Іlııas Muhamedjanov málim etti, dep habarlaıdy QazAqparat atalmysh basqarmanyń baspasóz qyzmetine silteme jasap.
– Semeı qalasynda 71, Óskemende 41 jáne 17 aýdan men qalalarda 219 top jumys jasap tur. Olar tek azamattarǵa shaqyrtý boıynsha úılerine baryp, medıtsınalyq kómek kórsetip qana qoımaı, dári-dármek te jetkizip bere alady, – dedi Іlııas Muhamedjanov.
Sonymen qatar, atalmysh jobany qoldaý maqsatynda aýdan men qala ákimdikteri ózderiniń qyzmettik kólikterin mobıldi toptarǵa tabystaǵan.
