ShQO-da jer úıge kirip ketip adamdy tistep alǵan qasqyrdan qutyrý aýrýy anyqtaldy

ÓSKEMEN. KAZINFORM – Shyǵys Qazaqstan oblysy Altaı aýdanynda jer úıge kirip ketip adamdy tistep alǵan qasqyrdan qutyrý aýrýy anyqtaldy.

Eske salsaq, oqıǵa 28 sáýirde Altaı aýdany Bykovo aýylynda bolǵan.

Qasqyr esigi ashyq turǵan jer úıge kirip ketken. Túz taǵysy adam men eki ıtti tistep alǵan. Keıin aýyl turǵyndary óz betterimen jınalyp, sol qasqyrdyń izine túsip, kózin joıdy. Sodan soń qasqyrdan patologııalyq materıaldar alynǵan.

«Saraptama qasqyrdyń qutyrý aýrýyna shaldyqqanyn kórsetti. Zardap shekken er adam qazirgi ýaqytta emdelip jatyr. Onyń ishinde oǵan ekpe de salyndy», - deıdi Altaı aýdany boıynsha aýmaqtyq ınspektsııanyń basshysy Erzat Ámirenov.