ShQO-da jer úıdiń aýlasynda órt shyǵyp, 45 tonna pishen janyp ketti
ÓSKEMEN. QazAqparat – Shyǵys Qazaqstan oblysy Tarbaǵataı aýdanynda jer úıdiń aýlasynda órt shyǵyp, 45 tonna pishen janyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Qabanbaı aýylyndaǵy jeke turǵyn úı aýlasynda saqtalǵan 45 tonna pishen órtengen.
Tilsiz jaý birden sharýashylyq qora-jaıǵa tarap ketti. Oqıǵa ornyna órt sóndirýshiler shuǵyl kelip jetken.
«Kóp uzamaı qyzyl jalyn tolyqtaı aýyzdyqtaldy. Aldyn ala málimet boıynsha ottyń shyǵý sebebi – qasaqana órteýden bolýy múmkin. Qazirgi ýaqytta tıisti materıaldar polıtsııa qyzmetkerlerine berildi», - dep habarlady vedomstvo ókilderi.
