ShQO-da jer úıden shyqqan órtten erli-zaıypty kóz jumdy
ÓSKEMEN. KAZINFORM - Shyǵys Qazaqstan oblysy Glýbokoe aýdanynda jer úıde órt shyǵyp, erli-zaıypty zeınetker qaza boldy.
ShQO Tótenshe jaǵdaılar departamenti baspasóz qyzmetiniń málimetine súıensek, Glýbokoe aýdany Ývarovo aýylyndaǵy Ortalyq kóshesinde ornalasqan jeke turǵyn úıde órt shyqqan.
- Órt sóndirýshiler kelgenge deıin 1948 jyly týǵan úı ıesi jalyndaǵan úıden ózdiginen syrtqa shyǵyp úlgergen. Alaıda ol tútinge ýlanyp qalǵan. Oqıǵa ornyna jedel jetken Apattar medıtsınasy ortalyǵynyń dárigerleri er adamǵa reanımatsııalyq kómek kórsetkenimen, onyń ómirin saqtap qalý múmkin bolmady, - dep habarlady vedomstvo ókilderi.
Órtti sóndirý barysynda departament qyzmetkerleri úı ishinen 1953 jyly týǵan úı ıesi jubaıynyń máıitin tapty.
- 80 sharshy metr aýmaqta jaıylǵan tilsiz jaý tolyqtaı sóndirildi. Qazirgi ýaqytta órttiń shyǵý sebebi anyqtalyp jatyr, - delingen aqparatta.
Eske salsaq, osyǵan deıin Óskemende kópqabatty úıden shyqqan órt kezinde 15 adam qutqarylǵany habarlanǵan.
