ShQO-da jer úıden órt shyǵyp, 2 adam zardap shekti
ÓSKEMEN. QazAqparat – Shyǵys Qazaqstan oblysy Ulan aýdanynda jer úıden órt shyǵyp, 2 adam zardap shekti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 29 maýsymda Qasym Qaısenov kentindegi jer úı órtengen. Oqıǵa ornyna órt sóndirýshiler kelip jetkenshe 1970 jylǵy er adamnyń denesiniń 15%-yn kúıik shaldy. Al mansardtyq qabattyń terezesinen sekirip ketken 1972 jylǵy azamat túrli jaraqattar alǵan. Zardap shekkender birden aýrýhanaǵa jetkizildi. Sondaı-aq 1967 jylǵy áıel 1 qabattyń terezesinen syrtqa shyǵyp úlgergen. Jedel járdem qyzmetkerleriniń qaraýynan keıin ol úıine jiberildi.
«Órt sóndirýshiler habar túskennen keıin 3 mınýt ishinde kelip, dereý tilsiz jaýdy aýyzdyqtaýǵa kiristi. Jalpy aýdany 50 sharshy metrge jetken qyzyl jalyn mansardtyq qabat qabyrǵalaryn, shatyrdy, tereze men esik bloktarynyń aǵash qurylymdaryn sharpyǵan. Kóp uzamaı órt tolyqtaı óshirildi», - delingen habarlamada.
Órttiń shyǵý sebebi - elektr symdaryn montajdaý jáne paıdalaný kezinde órt qaýipsizdigi talaptarynyń saqtalmaýynan bolyp otyr.
