ShQO-da jer úıden órt shyǵyp, áıel men eki bala mert boldy
ÓSKEMEN. KAZINFORM – Shyǵys Qazaqstan oblysy Glýbokoe aýdanynyń Bobrovka aýylynda úıde órt shyǵyp, áıel men eki bala kóz jumdy.
ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirýshiler oqıǵa ornyna jetken kezde turǵyn úıdi tolyǵymen janyp jatqan. Sondaı-aq úıdiń shatyry opyrylyp túsken.
- Órtti sóndirý barysynda áıel men kámeletke tolmaǵan eki balanyń máıiti tabyldy, - dep habarlady vedomstvo ókilderi.
Qazirgi ýaqytta órttiń shyǵý sebebi anyqtalyp jatyr.
Eske salsaq, osyǵan deıin Óskemen qalasyndaǵy 30-shy Gvardııalyq dıvızııa kóshesinde ornalasqan stýdentter jataqhanasynyń toǵyzynshy qabatyndaǵy bólmede órt tutanǵany habarlanǵan.
