ShQO-da jer úıde gaz ballon jarylyp, 1 adam kóz jumdy
ÓSKEMEN. QazAqparat – Shyǵys Qazaqstan oblysy Glýbokoe aýdanynda jer úıde gaz ballon jarylyp, áıel adam kóz jumdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 4 sáýirde saǵat 06.43-te Veselovka kentindegi Lenın kóshesinde ornalasqan jeke turǵyn úıde órt shyqqan. Oqıǵa ornyna birden órt sóndirýshiler attandy.
«Qutqarýshylar jetken kezde otqa oranǵan úıdegi gaz ballony jaryldy. Týystary úıde múgedek áıel bolýy múmkin ekendigin aıtqan. Órt sóndirýshiler janyp jatqan turǵyn úıge kirip, 1969 jylǵy áıeldiń denesin taýyp aldy. Anyqtalǵandaı, ol I top múgedegi bolǵan», - delingen habarlamada.
Aldyn ala málimet boıynsha órttiń shyǵýyna – elektr jabdyqtaryn paıdalaný kezinde órt qaýipsizdigi talaptaryn saqtamaý sebep boldy. Jalpy aýdany 45 sharshy metrdi quraǵan tilsiz jaý kóp uzamaı aýyzdyqtaldy. Órtt sóndirýge jeke quramnan 7 adam men 2 birlik tehnıka jumyldyrylǵan.
Osy rette, departament mamandary órt qaýipsizdigi erejelerin buzýdyń qaıǵyly jaǵdaıǵa ákelip soǵýy múmkindigin eske salady.
