ShQO-da jer qoınaýyn paıdalanýshy 14 kompanııa lıtsenzııasynan aıyryldy

ÓSKEMEN. QazAqparat – Shyǵys Qazaqstan oblysynda jer qoınaýyn paıdalanýshy 14 kompanııa óz mindettemelerin oryndamaǵany úshin lıtsenzııadan aıyryldy, dep habarlaıdy QazAqparat tilshisi.

ShQO kásipkerlik jáne ındýstrııalyq-ınnovatsııalyq damý basqarmasynyń málimetine súıensek, óńir boıynsha jer qoınaýyn paıdalanýshy 177 kompanııa jumys isteıdi.

«Onyń ishinde 21-i paıdaly qazbalardy ıgerýmen, 66-sy barlaý jumystarymen aınalysady. Árbir kásiporynmen jasasqan kelisimsharttar boıynsha olardyń oblystyń áleýmettik-ekonomıkalyq damýyna jáne ınfraqurylymynyń jaqsarýyna jyl saıyn qarjylaı aýdarymdar jasaýǵa mindettemeleri belgilengen. Ótken jyl boıynsha 80 jer qoınaýyn paıdalanýshy 34,5 mln teńge aýdarady dep kútilýde», - delingen aqparatta.

Osy rette, óz mindettemelerin oryndamaǵan kompanııalarǵa tıisti sharalar qoldanylýda. Atap aıtqanda, búginde 14 kompanııa jumys isteýge qajetti lızenzııadan aıyrylyp otyr. Onyń ishinde 4-i barlaý jumystarymen, 10-y paıdaly qazbalardy ıgerýmen aınalysady.