ShQO-da jer qoınaýyn zańsyz paıdalaný isi áshkerelendi
ÓSKEMEN. KAZINFORM — Shyǵys Qazaqstan oblysynda jer qoınaýyn zańsyz paıdalaný deregi anyqtaldy.
Zańbuzýshylyqty oblystyq ekologııa departamentiniń mamandary polıtsııamen birlesip Marqakól aýdanyndaǵy Shańdybulaq-9 ýchaskesinde júrgizgen tekserý barysynda anyqtady.
— Tekserý barysynda QR Tabıǵatty qorǵaý zańnamasyn buzý faktileri anyqtaldy. Tergeý nátıjesinde «Altaı-2024» jaýapkershiligi shekteýli seriktestigi QR ÁQBtK-niń 328 jáne 332-baptary boıynsha ákimshilik jaýapkershilikke tartyldy, — dep habarlady Shyǵys Qazaqstan oblysynyń ekologııa departamenti.
Іs sotqa jiberildi. Vedomstvo mundaı oqıǵalardyń júıeli túrde baqylanatynyn atap ótti.
— Biz tabıǵatty qorǵaý erejelerin saqtaý men tabıǵı resýrstardy utymdy paıdalanýǵa erekshe kóńil bólemiz. Árbir quqyq buzýshylyq qorshaǵan ortaǵa zııan keltirmeý úshin zań júzinde tekseriledi, — dep atap ótti ekologter.
Aıta keteıik, Marqakól aýdanynda buǵan deıin baǵaly metaldardy zańsyz óndirgen 19 sheteldik ustalǵan bolatyn.