ShQO-da jeńildikpen úı alyp bermek bolǵan alaıaq quryqtaldy
ÓSKEMEN. QazAqparat - ShQO-nyń 6 turǵyny jeńildikpen úı alyp berýge ýáde etken alaıaqtyń qurbany boldy. Olar oılanbastan usynǵan kánigi aılakerge 300 myń teńgeden qarajat usynǵan, dep habarlady «QazAqparat» HAA tilshisi.
«Óskemen ІІB Úlbi polıtsııa bóliminiń tergeý bólimshesi birneshe ret sottalǵan 32 jastaǵy B. Mahmutqa qatysty qylmystyq isti tergeýde. Oǵan QR QK 190-babynda kózdelgen birqatar qylmystardy jasady degen aıyp taǵylýda. Polıtsııaǵa onyń alaıaqtyq áreketi qurbany bolǵan Tarbaǵataı aýdanynyń 6 turǵyny júgingen», - dep habarlady óńirdiń ІІD baspasóz qyzmeti.
Alaıaq ózin Ársen dep tanystyryp, óziniń klıentterine jeńildikpen páter alýǵa kómek kórsetetindigin aıtqan. Ol úshin aldyn ala 300 myń teńge bastapqy jarna tóleý shartyn qoıǵan. Aqshany alǵan kúdikti jaqyn arada páterge order alatyndyǵyn aıtyp, izin sýytqan.
Aıta keteıik, polıtsııa ókilderi alaıaqtyq áreketterden zardap shekkender sanynyń budan da kóp bolýy múmkin ekendigin joqqa shyǵarmaıdy.
