ShQO-da jeńil júristi qyzdardy tonaǵan er adam ustaldy

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri jeńil júristi qyzdardy tonap ketken er adamdy ustady, dep habarlaıdy QazAqparat tilshisi.

ShQO boıynsha Qylmystyq-atqarý júıesi departamenti baspasóz qyzmetiniń málimetine súıensek, boıjetkenmen bir páterde otyrǵan azamat onyń ıntımdik qyzmet kórsetetinin bilip qalǵan. Sondaı-aq názik jandynyń basqa jeńil júristi qyzdarmen keshke qaraı páterge jınalyp, tapqan aqshalaryn ózara bólisip, somanyń bir bóligin saqtap qoıý úshin aralaryndaǵy jaýapty adamǵa beretindikterin estigen.

Sol kezde qylmys jasaýǵa bekingen ol maska taǵyp, jezókshelerdiń jumystan qaıtyp oralýyn kútip, podezge jasyrynǵan. Páterge kelgen boıjetkender sol kúni tapqandaryn sanap, ózara úlestirip jatqanda kirip kelgen tonaýshy aqshany tartyp alyp, sol jerden taıyp turdy.

«Urlyq jasaǵan aıyptalýshy bes jylǵa bas bostandyǵynan shekteldi. Qazir ol tirkeýge alynyp, probatsııa qyzmetiniń ınspektorlary onymen profılaktıkalyq jumystar júrgizýde», - dedi Úlbi aýdandyq probatsııa qyzmetiniń bastyǵy Almas Buıratov.