ShQO-da jeńil kólikpen soqtyǵysqan mototsıkl júrgizýshisi mert boldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda jeńil kólikpen soqtyǵysqan mototsıkl júrgizýshisi kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 1 qyrkúıekte saǵat 14:00 shamasynda bolǵan.
«Praporşıkovo aýylyndaǵy Shkolnaıa kóshesinde kele jatqan mototsıkl júrgizýshisi qaýipsiz qashyqtyqty saqtamaı «VAZ» avtokóligimen soqtyǵysqan. Sonyń saldarynan qarsy baǵyttaǵy jolǵa ushyp túsken mototsıkl tizginindegi er adamdy kólik basyp ketti», - dep habarlady vedomstvo ókilderi.
43 jastaǵy azamat oqıǵa ornynda jan tapsyrǵan. Qazirgi ýaqytta QR Qylmystyq Kodeksiniń 345-baby 3-bóligine (abaısyzda adam ólimine ákep soqqan jol qozǵalysy erejelerin buzý) sáıkes sotqa deıingi tergeý amaldary bastaldy.
