ShQO-da jeńil kólikke soǵylǵan mototsıkl júrgizýshisi mert boldy
RIDDER. QazAqparat – Shyǵys Qazaqstan oblysy Rıdder qalasynda kólikpen soqtyǵysqan mototsıkl júrgizýshisi kóz jumdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 12 qazan kúni Rıdderdegi Jetinshi shaǵynaýdanynda bolǵan.
«Mitsubishi» markaly avtokólik júrgizýshisi Mıchýrın kóshesimen kele jatyp, solǵa burylǵan kezde mototsıklge jol bermegen. Sonyń saldarynan 28 jastaǵy mototsıklshi sol jerde til tartpaı ketti», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq Kodeksiniń 345-baby 3-bóligine (Abaısyzda adam ólimine ákep soqqan jol qozǵalysy erejelerin buzý) sáıkes sotqa deıingi tergeý amaldary júrgizilip jatyr.
