ShQO-da jeńil kólik salonyna urlanǵan jylqyny tirideı salyp alǵan er adam ustaldy

ÓSKEMEN. QazAqparat – Shyǵys Qazaqstan oblysy Ulan aýdanynda jylqy urlap, jeńil kólik salonyna tirideı salyp alǵan er adam ustaldy, dep habarlaıdy QazAqparat.

ShQO Polıtsııa departamenti baspasóz qyzmetiniń málimetine súıensek, 31 jastaǵy er adam erkin jaıylymnan mal urlaýmen aınalysqan. Ol maldy tirideı kólik salonynyń artqy oryndyǵyna salyp, alyp ketken. Polıtsııa qyzmetkerleri Ulan aýdanynyń turǵynyn qyrkúıek aıynyń basynda kezekti urlyq ústinde ustady.

«Kúdiktiniń kóligin toqtatqan tártip saqshylary ishte jatqan tiri jylqyny kórdi. Er adam birden polıtsııa bólimine jetkizilgen. Birshama ýaqyttan keıin jylqynyń ıesi tabyldy. Ol malynyń joǵalǵandyǵy týraly múlde bilmegen», - dedi oblystyq PD bastyǵynyń orynbasary Talǵat Shaıahmetov.

Qazirgi ýaqytta QR QK-niń 188-baby (mal urlyǵy) boıynsha tergeý amaldary júrgizilýde. Kúdiktiniń osyǵan deıin birneshe jylqy men buzaý urlaǵandyǵy anyqtalyp otyr.