ShQO-da jeńil kólik pen KamAZ soqtyǵysyp, eki jolaýshy kóz jumdy
ÓSKEMEN. QazAqparat – Shyǵys Qazaqstan oblysynda jol apatynan 2 adam jan tapsyryp, úsheýi jaraqat aldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy Ulan aýdanynda «Almaty-Óskemen» tasjolynyń 45-shi shaqyrymynda bolǵan.
«Toyota Ipsum» avtokóliginiń 24 jastaǵy júrgizýshisi rýldi basqara almaı, aldynda kele jatqan «KamAZ 5320» kóligimen soqtyǵysqan.
«Sonyń saldarynan Toyota Ipsum kóligindegi 38 jáne 44 jastaǵy eki jolaýshy sol jerde til tartpaı ketti. Sol kóliktiń júrgizýshisi men taǵy eki jolaýshysy túrli dene jaraqatymen aýrýhanaǵa jatqyzyldy», - delingen aqparatta.
Qazirgi ýaqytta atalǵan fakti boıynsha QR Qylmystyq Kodeksiniń 345-baby 4-bóligine (Kólik quralyn basqaratyn adamnyń abaısyzda eki nemese odan da kóp adamnyń ólimine ákep soqqan jol qozǵalysy erejelerin buzýy) sáıkes sotqa deıingi tergeý amaldary bastaldy.
Birqatar sot-medıtsınalyq saraptama taǵaıyndalǵan.
