ShQO-da jeńil kólik pen KamAZ soqtyǵysyp, 3 adam zardap shekti
ÓSKEMEN. QazAqparat – Shyǵys Qazaqstan oblysyndaǵy «Óskemen-Semeı» tasjolynda jeńil kólik pen KamAZ soqtyǵysyp, 3 adam zardap shekti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 31 tamyzda saǵat 18.20-da bolǵan.
Aldyn ala málimet boıynsha «VAZ» markaly avtokólikti tizgindegen azamat aldynda kele jatqan kólikti basyp ozamyn dep qarsy baǵytqa shyqqan. Alaıda rýlge ıe bola almaı qalǵan ol qarsy baǵyttaǵy jol jıeginde toqtap turǵan KamAZ-ǵa soǵyldy. Jol apaty «Óskemen-Semeı» tasjolynyń 7-shi shaqyrymynda boldy», - dep habarlady vedomstvo ókilderi.
Jeńil kóliktiń júrgizýshisi men eki jolaýshysy túrli dárejede dene jaraqattaryn alǵan. Qazirgi ýaqytta polıtseıler oqıǵanyń tolyqtaı mán-jaıyn anyqtap jatyr.
