ShQO-da jeńil kólik pen KamAZ soqtyǵysty, tórt adam aýrýhanada
ÓSKEMEN. QazAqparat – Shyǵys Qazaqstan oblysy Glýbokoe aýdanynda jeńil kólik pen KamAZ soqtyǵysty, dep habarlaıdy QazAqparat.
ShQO Polıtsııa departamenti baspasóz qyzmetiniń málimetine súıensek, oqıǵa 20 aqpan kúni Glýbokoe aýdanyndaǵy «Óskemen-Shemonaıha» tasjolynyń 6-shy shaqyrymynda bolǵan. Anyqtalǵandaı, Glýbokoe kentine qaraı bara jatqan KIA Soul markaly avtokóliktiń 30 jastaǵy júrgizýshisi aldyndaǵy kólikti basyp ozbaq bolyp qarsy jolaqqa shyqqan. Alaıda rýlge ıe bola almaı qalyp, birinshi sol kólikpen, keıin qarsy baǵyttaǵy KamAZ-ben betpe-bet soqtyǵysqan.
«Jol-kólik oqıǵasy saldarynan KIA Soul kóliginiń júrgizýshisi men úsh jolaýshy túrli dene jaraqattarymen medıtsınalyq mekemege jetkizildi. Qazirgi ýaqytta QR QK-niń 345-baby, 2-bóligimen sotqa deıingi tergeý amaldary júrgizilýde. Tıisti saraptamalar taǵaıyndaldy», - dep habarlady vedomstvo ókilderi.
