ShQO-da jeńgetaılyqpen aınalysqan saýna ákimshileri anyqtaldy
ShQO Polıtsııa departamenti baspasóz qyzmetiniń málimetine súıensek, tártip saqshylary 19 qyrkúıekten bastap óńir aýmaǵynda «Stop-trafık» jedel aldyn alý sharasyn júrgizýde. Sonyń nátıjesinde, ıntımdi qyzmet kórsetiletin 3 prıton anyqtaldy.
«Shara barysynda qonaq úıler, oıyn-saýyq mekemeleri, monsha keshenderi jáne basqa da túrli obektiler tekserildi. Osylaısha, Semeı men Óskemen qalalarynyń saýnalarynda kelýshilerge jeńil júristi qyzdardy usynatyn ákimshiler ustaldy. Jeńgetaılyqpen aınalysqan olar zańsyz tabys taýyp kelgen. Naqty aıtqanda, osyndaı qyzmet kórsetkeni úshin jezókshe tapqan tabystyń 30%-yn saýna ákimshisi alyp otyrdy», - dep habarlady vedomstvo ókilderi.
Qazirgi ýaqytta barlyq faktiler boıynsha QR QK-niń 309-babyna sáıkes sotqa deıingi tergeý amaldary. Intımdi qyzmet kórsetetin áıelder arnaıy esepke alyndy.