ShQO-da jemqorlyqpen kúres kúnine oraı «Parasattylyq stýdııasy» ashyldy

ÓSKEMEN. QazAqparat – Halyqaralyq sybaılas jemqorlyqpen kúres kúnine oraı D.Serikbaev atyndaǵy Shyǵys Qazaqstan tehnıkalyq ýnıversıtetinde «Parasattylyq stýdııasy» jobasynyń tusaýy kesildi, dep habarlaıdy QazAqparat tilshisi.

«Parasattylyq stýdııasynyń» alǵashqy qonaǵy - ekonomıka ǵylymdarynyń doktory, professor ıÝrıı Batalov boldy. Baǵdarlamada parasattylyq, ulttyq qundylyq, adaldyq, bilim salasyndaǵy jáne jastar arasyndaǵy jemqorlyqqa qarsy mádenıetti qalyptastyrý taqyryptary aıasynda keńinen sóz qozǵaldy.

«Ár kezeńniń ózindik ereksheligi bar. Qazirgi býynnyń da ózindik artyqshylyqtary az emes. Stýdentterdiń birazy birneshe til men tehnıkany jetik meńgergen. Igi isterge aralasyp, bolashaqqa senimdi qadam basýda», - dedi ǵalym.

Aıta keteıik, D.Serikbaev atyndaǵy ShQTÝ jáne QR Sybaılas jemqorlyqqa qarsy is-qımyl agenttiginiń Shyǵys Qazaqstan oblysy boıynsha departamenti birigip, is-sharalar atqarýda.

«Parasat stýdııasy» baǵdarlamasynyń tolyq nusqasy ýnıversıtettiń YouTube kanalynda jáne áleýmettik jelilerge jarııalandy.