ShQO-da jeke ınvestorlar esebinen 50 baspana salynady
Bul jaıly aımaq basshysy Danıal Ahmetov Instagram jelisindegi jeke paraqshasynda jazdy.
«1 shildege deıin Óskemendegi jańa 28-shaǵynaýdanda abattandyrý jumystary aıaqtalmaq. Munda 54 úı boı kótergen bolatyn. Bıyl jeke ınvestorlar esebinen taǵy 50 baspana salynady. Tórt kompanııanyń jobalary ártúrli, árqaısysynyń ózindik stıli bar. Shaǵynaýdan jastary men balalary úshin fýtbol alańy men sport nysandary da salynady», - dedi ol.
«Nurly jol» shaǵynaýdanynda bıyl 7 kópqabatty úıdiń qurylysy aıaqtalady. Buǵan deıin jumysy sylbyr jaýapty merdigerge eskertý jasalǵan.
«Qazir merdigerdiń jumysqa joǵary jaýapkershilikpen kiriskeni qýantady. Joba ereksheligi - eń aldymen, josparlaýdaǵy utymdy sheshimi. Qasbetteri ádemi, zamanaýı úlgide. Kompanııa aldaǵy ýaqytta da tek joǵary nátıjege jumys istep, básekege qabilettiligin arttyra beredi dep úmittenemin. Eń bastysy, qala men oblys turǵyndarynyń kóńilinen shyǵý», - dedi Danıal Ahmetov.
Búgingi tańda 90-nan astam páter bank arqyly satyldy. Jalpy, atalǵan shaǵynaýdanda aldaǵy eki jylda 42 úı men eki balabaqsha boı kóteredi
«Jyl saıyn shahardyń bul bóliginde jańa úıler sany ósip kele jatyr. Bul elektr jáne jylý jelilerine qosymsha júkteme. Osyǵan baılanysty, №2 qazandyqqa saǵatyna 100 Gkal óndiretin qosymsha qazandyq salý jobasyn jasaý tapsyryldy», - dedi oblys ákimi.
