ShQO-da jedel járdem kóligi apatqa ushyrady
ÓSKEMEN. QazAqparat - Kýrchatov qalasynda jedel járdem kóligi aǵashqa soǵylyp, ishindegi medbıke men bala jaraqat aldy, dep habarlaıdy QazAqparat tilshisi.
Jedel járdem apatqa Abaı kóshesinen qaıtar jolda ushyraǵan. Óz betimen kele jatqan kóliktiń jolyn jeńil avtomobıl qıyp ótken. Jedel járdem júrgizýshisi soqtyǵystan qashý úshin jol shetine burǵan. Saldarynan aǵashqa soǵylyp, ishindegi medbıke men alty jasar bala jaraqat alypty. Feldsherdiń aıaq-qoly synsa, balanyń mıy shaıqalǵan.
«Medıtsına qyzmetkeriniń jaǵdaıy «ortasha aýyr». Semeıden shuǵyl jetken sanıtarlyq avıatsııa onyń densaýlyǵyn tolyq zerttedi. Ázirge ony Semeıge tasymaldaý týraly sheshim shyqqan joq. Aıaǵynda ashyq sıpattaǵy, qolynda jabyq sıpattaǵy synyq bar. Balanyń mıy shaıqalǵan, jaǵdaıy turaqty» - deıdi qalalyq aýrýhananyń bas dárigeriniń orynbasary Qarlyǵash Tilaýǵabylova.
