ShQO-da jedel járdem dıspetcheri kespege tunshyǵyp qalǵan qyzdy telefon arqyly qutqardy
ShQO Densaýlyq saqtaý basqarmasy baspasóz qyzmetiniń málimetine súıensek, Glýbokoe aýdany Bobrovka aýylynda 25 jastaǵy qyz kespe jep otyryp tunshyǵyp qalǵan. Qasyndaǵy tanystary ne isterlerin bilmeı, birden jedel járdemge qońyraý shaldy.
«Qońyraýdy dıspetcher Marına Ýrazalınova qabyldaǵan. Oǵan qyzdyń tamaqqa tunshyǵyp, dem ala almaı jatqanyn jetkizdi. Dıspetcher adamdy sanaýly sekýndtardyń ishinde qutqarý qajettigin túsingen. Sóıtip zardap shegýshige qashyqtan kómektesip, sol jerdegi azamattarǵa telefon arqyly Geımlıh ádisin qalaı jasaý qajettigin túsindirdi. Nátıjesinde, sátti reanımatsııa jasalyp, qyz aman qaldy», - delingen aqparatta.
Sálden soń sol jerge jedel járdem qyzmetkerleri kelip jetip, qyzdy Shyǵys Qazaqstan oblystyq aýrýhanasyna alyp ketti. Qajetti kómek kórsetilgen soń ol úıine jiberildi.