ShQO-da jazǵy lagerler órtke qarsy tekserýden ótedi
ÓSKEMEN. QazAqparat - Shyǵys Qazaqstanda jazǵy lagerler órtke qarsy tekserýden ótip jatyr. Tótenshe jaǵdaı ókilderi 4 lagerden 15 aqaý tapqan, dep habarlaıdy QazAqparat tilshisi.
Jalpyoblys boıynsha 26 jazǵy lager jumys isteıdi. Bıyl sonyń 18-i órtke qarsy tekserýden ótýi tıis. Tizimge eki jyl qatarynan órt qaýipsizdigin minsiz saqtaǵan 6 lager, shaǵyn bıznes nysany retinde qadaǵalaýdan bosatylǵan eki lager kirmegen.
«Jospardaǵy 18 lagerdiń tórteýi tekserildi. Elektr qondyrǵylaryn qaýipsizdik erejesine saı tutynbaý boıynsha 15 zań buzýshylyq anyqtaldy. Sol úshin 2 adam ákimshilik jaýapkershilikke tartylyp, mekeme basshylaryna eskertý jasaldy», - deıdi oblystyq tótenshe jaǵdaılar departamentiniń táýekelderdi tómendetý jáne azamattyq qorǵanys basqarmasynyń basshysy.
