ShQO-da jazǵy lagerge baratyn oqýshydan PTR anyqtamasy talap etiledi
ÓSKEMEN. QazAqparat – Shyǵys Qazaqstan oblysynda jazǵy lagerge baratyn oqýshylardan PTR anyqtamasy talap etiledi , dep habarlaıdy QazAqparat tilshisi.
Bul jaıly onlaın formatta ótken baspasóz máslıhaty barysynda ShQO Bilim basqarmasynyń basshysy Saırangúl Jumadilova málim etti.
«Óńir boıynsha balalardyń bos ýaqytyn tıimdi uıymdastyrý úshin 35 lager jumys isteıdi. Sondaı-aq 475 mektep janynda oqýshylarǵa arnalǵan lager bar. Aldaǵy kanıkýl kezinde mektep oqýshylarynyń 100 paıyzyn jazǵy lagermen qamtýdy josparlap otyrmyz», - dedi ol.
Budan bólek, jaz aılarynda oblystyń barlyq qala-aýdandarynda sport sektsııalary men úıirmeler ashyq bolady.
«Lagerge barar aldynda árbir oqýshy PTR-synama tapsyrýy tıis. Tárbıeshiler men mekemeniń basqa da qyzmetkerlerinen koronavırýs juqtyrmaǵandyǵy týraly anyqtama talap etiledi», - dedi Saırangúl Jumadilova.
Esterińizge sala ketsek, osyǵan deıin Shyǵys Qazaqstanda bıyl 9 myńǵa jýyq oqýshy mektep bitiretindigin habarlaǵan bolatynbyz.
