ShQO-da jazdyń alǵashqy aıynda aýa raıy qandaı bolady
ÓSKEMEN. KAZINFORM – Shyǵys Qazaqstan oblysynda maýsym aıyna arnalǵan aýa raıy boljamy jasaldy.
«Qazgıdromet» RMK ShQO fılıalynyń málimetine súıensek, maýsym aıynyń basynda óńirde túnde úsik júrýi áli de saqtalyp, aýa temperatýrasy mınýs 1-6 gradýsqa deıin tómendeýi múmkin.
– Keıin kún birtindep jylyna bastaıdy: túnde +8…+13°S, kúndiz +24…+29°S bolady. Ekinshi onkúndiktiń basynda aýa temperatýrasy odan ári kóterilip, kúndiz aptap ystyq +32…+37°S-qa deıin jetedi, - delingen aqparatta.
Keıin temperatýra sál tómendeıdi. Naqty aıtqanda, túnde +10…+15°S, kúndiz +26…+31°S shamasynda bolady.
– 20-30 maýsym aralyǵynda aýa temperatýrasy qubylmaly bolady. Túnde +10…+15°S-tan +18…+23°S-qa deıin, kúndiz +26…+31°S pen +32…+37°S aralyǵynda bolady. Qysqa jańbyr birinshi onkúndikte, ekinshi onkúndiktiń ortasy men sońynda, úshinshi onkúndikte jıi jaýady, - delingen habarlamada.
Keı kezderi jańbyrmen birge naızaǵaı soǵady. Aı sońynda burshaq jaýýy da yqtımal.
Eske salsaq, osyǵan deıin bıyl kóktemgi dala jumystary kezeńinde kún raıy qanshalyqty qolaıly bolatyny habarlanǵan.
