ShQO-da jazda alǵan kómirler ózdiginen tutanyp jatyr
ÓSKEMEN. QazAqparat – Shyǵys Qazaqstan oblysynyń Glýbokoe aýdanynda bir aptanyń ishinde 7 úıde kómir ózdiginen tutanǵan. Bul týraly QazAqparat oblystyq Nótenshe jaǵdaılar departamentine silteme jasap habarlaıdy.
«7 jaǵdaıdyń altaýynda órt sóndirýshiler qyzyl jalyndy der kezinde aýyzdyqtaı aldy. Al Beloýsovka kentinde kómir qoımasy men monsha, elektr baǵany otqa orandy. Zardap shegýshiler Maıkúbiniń qońyr kómirin maýsym basynda satyp alǵandaryn aıtyp otyr», - delingen departamenttiń baspasóz qyzmeti taratqan aqparatta.
Mamandardyń aıtýynsha, kómir ózdiginen tutaný úshin birshama ýaqyt boıy úzdiksiz totyǵýy qajet. Totyqqan kómirdiń temperatýrasy artyp, sonyń saldarynan tutanady.
«Bul kómirdi durystap óndirmeýden nemese durys saqtamaýdan bolatyn qubylys. Kómir satyp alar kezde satýshydan sapa sertıfıkatyn talap etý qajet. Kómirdi qoımaǵa túsirer kezde astyna qatty tósenish tastaý kerek. Qoımadaǵy temperatýrany baqylap otyrǵan abzal», - delingen departamenttiń aqparatynda.
