ShQO-da jaz shyqqaly sýdaǵy qaýipsizdik erejelerin saqtamaǵan 24 adam jaýapqa tartyldy
ÓSKEMEN. KAZINFORM – Shyǵys Qazaqstan oblysynda qutqarýshylar sý aıdyndaryndaǵy qaýipsizdikti kúsheıtti.
Bıylǵy shomylý maýsymy bel ortasyna kelip qaldy. Qutqarýshylar jaǵajaılardaǵy qaýipsizdikti qamtamasyz etý maqsatynda kún saıyn reıdterge shyǵyp jatyr.
- Demalýshylar ruqsat etilmegen jerlerde sýǵa túsip, óz ómirine qaýip tóndirip jatady. Reıd kezinde TJD qyzmetkerleri jaǵajaılardyń aýmaǵyn qaıyqpen tekserip, halyqqa shomylý kezindegi qaýipsizdik erejelerin eske salady. Jaz shyqqaly beri qaýipsizdikti saqtamaǵan 24 adam ákimshilik jaýapkershilikke tartyldy, - dep habarlady ShQO Tótenshe jaǵdaılar departamentiniń baspasóz qyzmetinen.
Shyǵys Qazaqstandaǵy resmı belgilengen 25 jaǵajaıdyń tek 8-i ǵana qaýipsizdik talaptaryna sáıkes keledi. Qalǵan 17-si áli durys jabdyqtalmaǵan.
Aıta keteıik, maýsym aıynyń basynan oblys boıynsha 4 adam sýǵa batqan.
Eske salsaq, osyǵan deıin ShQO-daǵy týrıstik jerlerge QR jolnusqalar qoıylatyndyǵy jaıly jazǵanbyz.