ShQO-da jaz kezinde 400-den astam balalar lageri jumys isteıdi

ÓSKEMEN. QazAqparat – Shyǵys Qazaqstan oblysynda jaz kezinde balalarǵa arnalǵan 400-den astam lager jumys isteıdi, dep habarlaıdy QazAqparat tilshisi.

ShQO bilim basqarmasynyń málimetine súıensek, óńir boıynsha balalardyń jazǵy demalysyn tıimdi ótkizý úshin 418 lager jumys isteıdi.

Onda oqýshylar tek demalyp qana qoımaı, til úırenýge de múmkindik alady.

«Balalar qala irgesindegi jáne mektep janyndaǵy lagerlerge, ártúrli baǵyttaǵy mamandandyrylǵan alańdarǵa baryp demalady. Dástúr boıynsha osyndaı demalyspen 1-4 synyp oqýshylary qamtylady. Kóptildi bilim berýdi damytý baǵdarlamasy aıasynda mektep janyndaǵy lagerlerdiń bir bóliginde til úıretedi. ıAǵnı, balalar qazaq, aǵylshyn, orys, nemis, frantsýz tilderin oqıdy», - deıdi basqarma basshysynyń orynbasary Dınara Shaýhına.

Onyń aıtýynsha, bıyl Shyǵys Qazaqstanda 92 434 oqýshy jazǵy lagerge barady.

Onyń ishinde kópbalaly jáne az qamtylǵan otbasylardyń balalary lagermen 100 paıyz qamtylmaq.