ShQO-da jaz basynan beri 11 adam sýǵa ketti
SEMEI. QazAqparat – Shyǵys Qazaqstan oblysynda jaz bastalǵaly beri 11 adam sýǵa batqan, dep habarlaıdy QazAqparat tilshisi.
Bul jaıly ShQO TJD azamattyq qorǵanys basqarmasynyń basshysy Tımýr Dıdahmetov málimdedi.
«Maýsym aıynyń basynan beri 11 adam sýǵa batqan. Onyń ishinde 1 bala bar. Mundaı qaıǵyly jaǵdaılardyń aldyn alý maqsatynda qaýipsizdik jospary ázirlengen. Sonyń aıasynda shomylý maýsymy bastalǵaly beri 252 reıd júrgizildi. Nátıjesinde zańbuzýshylyqqa jol bergen 5 adam jaýapkershilikke tartyldy», - deıdi ol.
Onyń aıtýynsha, Úrjar aýdanyndaǵy Alakól jaǵalaýynda qutqarýshylar beketi quryldy. Ondaǵy mamandar barlyq qajetti qural-jabdyqtarmen tolyq qamtamasyz etilgen.
Aıta keteıik, óńirde sýǵa túsýge ruqsat berilgen 180 jaǵajaı bar.
