ShQO-da jaz bastalǵaly sýǵa batyp bara jatqan 21 adam qutqaryldy
ÓSKEMEN. QazAqparat – Shyǵys Qazaqstan oblysynda bıylǵy shomylý maýsymy bastalǵaly beri sýǵa batyp bara jatqan 21 adam, onyń ishinde 4 bala qutqaryldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, búgingi tańda óńir boıynsha sýǵa ketkender sany artyp keledi.
Naqty aıtqanda, bıyl osyndaı 31 qaıǵyly jaǵdaı tirkelgen.
Onyń ishindegi 8-i – bala. Anyqtalǵandaı, barlyǵy jabdyqtalmaǵan jerlerge shomylýǵa barǵan.
«Jazataıym oqıǵalardyń negizgi sebepteri - óz kúshterin durys baǵalamaý, júze almaý jáne qaýipti sý aıdyndarynda shomylý. Sondaı-aq alkogoldi ishimdik ishý men alys qashyqtyqqa júzýdiń saldarynan kóz jumǵandar bar», - delingen habarlamada.
Shyǵys Qazaqstan oblysy ákiminiń qaýlysymen aımaqtaǵy sý aıdyndarynda demalys, sport jáne týrızm úshin 16 oryn belgilengen.
Óńir máslıhaty sessııasynyń sheshimimen 64 ýchaskede shomylýǵa tyıym salyndy.
«Osy ýaqytqa deıin qutqarýshylar 3385 ret profılaktıkalyq reıd júrgizdi. Onda demalýshylarǵa 74761 jadynama taratyldy. Bazalardyń ıelerimen jáne jergilikti atqarýshy organdarmen birlesip, azamattardyń qaýipsiz demalysyn qamtamasyz etý maqsatynda 33 memorandým jasalǵan», - dedi ShQO TJD bastyǵynyń orynbasary Dmıtrıı Tıtov.
Onyń aıtýynsha, oblys boıynsha bıylǵy shomylý maýsymy bastalǵaly beri sýǵa batyp bara jatqan 21 adam, onyń ishinde 4 bala qutqaryldy.
