ShQO-da jaz bastalǵaly 4 adam sýǵa ketti, jaǵalaýǵa ishimdik iship baratyndar kóp
ÓSKEMEN. KAZINFORM – Shyǵys Qazaqstan oblysynda bıylǵy shomylý maýsymy bastalǵaly 4 adam sýǵa batyp ketti.
ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar men polıtseıler ózen-kólderdiń jaǵajaılaryna turaqty túrde reıdter júrgizýde.
Oblys boıynsha shomylý maýsymy bastalǵaly 4 adam sýǵa ketti. Barlyq oqıǵa jabdyqtalmaǵan oryndarda bolǵan.
«Sýǵa mas kúıinde túsetin demalýshylar kóp. Osyndaı 2 myńnan astam adam anyqtaldy. Sondaı-aq olar shomylýǵa ruqsat etilmegen jaǵajaılarǵa baryp jatady. Bul azamattardyń ómiri úshin óte qaýipti. Reıdter kezinde halyqqa túsindirý jumystary júrgiziledi. Jazdyń eki aıynda barlyǵy 2100 reıd ótkizildi. Sonyń barysynda sýda qaýipsizdik sharalaryn saqtamaǵany úshin 1581 adam ákimshilik jaýapkershilikke tartyldy», - delingen aqparatta.
Bıylǵy shomylý maýsymynda óńir sý aıdyndarynda TJD qyzmetkerleri 18 adamdy, onyń ishinde 4 balany qutqaryp qalǵan.
