ShQO-da jaıylymnan 33 jylqy urlaǵan tórt adam ustaldy
ÓSKEMEN. KAZINFORM – Shyǵys Qazaqstan oblysy Zaısan aýdanynda polıtseıler erkin jaıylymnan 33 bas jylqy urlaǵandardy qolǵa túsirdi.
Krımınaldyq polıtsııa qyzmetkerleri jedel-izdestirý sharalarynyń nátıjesinde óńir aýmaǵynda mal urlyǵymen aınalysqan tórt kúdiktini ustady. Tergeý barysynda olardyń erkin jaıylymda júrgen 33 bas jylqyny urlaǵany anyqtaldy. Jábirlenýshi keltirilgen materıaldyq shyǵyn 30 mln teńgeden asady.
- Qazir urlanǵan mal tabylyp, zańdy ıesine tolyqtaı qaıtaryldy. Sondaı-aq tergeý barysynda ustalǵandardyń taǵy bir qylmysqa qatysy bar ekeni belgili boldy. Atap aıtqanda, osy jyldyń mamyr aıynda olar sol azamattyń 30 bas jylqysyn urlamaq bolǵan. Alaıda, qylmystyq áreketteri der kezinde baıqalyp, mal ıesine qaıtarylǵan, - delingen aqparatta.
Búginde qajetti tergeý amaldary júrgizilip jatyr. Kúdiktilerdiń oblys boıynsha basqa da osyǵan uqsas qylmystarǵa qatysy bar-joǵy tekserilip jatyr.
Eske salsaq, osyǵan deıin Jambylda burynǵy qoıshy 72 maldy urlady degen kúdikpen ustalǵany habarlanǵan.
