ShQO-da jaýyn-shashynnan ózenderdiń tasýy múmkin

ASTANA. KAZINFORM – Shyǵys Qazaqstan oblysynda ózenderdiń sýy kóterilip, qalypty deńgeıden asýy múmkin. Qazgıdromet osyndaı boljam jasady. 

«2024 jylǵy 30 sáýir-04 mamyr kúnderi Shyǵys Qazaqstan oblysynyń aýmaǵynda jaýyn-shashyn kútiledi. Ózenderdiń sýy kóterilip, qalypty deńgeıden asýy múmkin. Sondaı-aq, kishigirim ózender men bulaqtar arnasynan asady dep boljanýda», - dedi Qazgıdromet RMK baspasóz hatshysy Alına Ismagýlova OKQ-de ótken brıfıngide.

Qatty jaýyn-shashynnan atalǵan óńirdegi avtojoldar men temir joldardy, turǵyn eldi mekender men sharýashylyq qurylystaryn topan sý basýy múmkin.

Buǵan deıin Pavlodar oblysynyń soltústiginde 2 gradýs úsik júretini týraly habarlaǵan edik.