ShQO-da jastardyń 40 paıyzy jumyssyz júr

SEMEI. QazAqparat – Shyǵys Qazaqstan oblysynda jastardyń jumyssyzdyq deńgeıi 40,3% qurap otyr, dep habarlaıdy QazAqparat tilshisi.

Semeıde bıyl ekinshi jyl NEET sanatyndaǵy jastardy áleýmettendirý boıynsha joba júzege asyrylýda. NEET – túrli sebepter boıynsha oqymaıtyn, jumys istemeıtin jáne óz biliktiligin arttyrmaıtyn jastar.

Joba sheńberinde atalmysh sanattaǵy jastardyń problemalary keshendi túrde zerttelýde. Bul týraly Aqparat ortalyǵynda ótken baspasóz máslıhatynda Jastar jáne balalar uıymdarynyń Shyǵys Qazaqstan oblystyq a ssotsıatsııasy Semeı qalalyq fılıalynyń dırektory Elzıra Júnisova málim etti.

«Ekinshi toqsannyń qorytyndysy boıynsha óńirde NEET jastarynyń sany – 5,8% qurap otyr. Bul kórsetkish respýblıkalyq deńgeıden aıtarlyqtaı tómen. Joba sheńberinde jastardyń qatysýymen semınarlar, suhbat alańdary jáne basqa da is-sharalar ótkizilýde», - dedi ol.

Júrgizilgen áleýmettik saýalnamaǵa sáıkes, búgingi tańda Shyǵys Qazaqstanda jastardyń jumyssyzdyq deńgeıi 40,3% qurap otyr. Elzıra Júnisovanyń aıtýynsha, aımaq jastarynyń jumyssyz bolýynyń basty sebepteriniń biri – jumys izdeýge degen nıettiń joqtyǵy emes, laıyqty jumystyń bolmaýy.