ShQO-da jasóspirimder arasyndaǵy qylmys 45 paıyzǵa ósti

ÓSKEMEN. KAZINFORM – Shyǵys Qazaqstan oblysynda jasóspirimder arasynda qylmys jasaǵandar sany kúrt kóbeıgen.

Jyl basynan beri óńir boıynsha jasóspirimder 64 qylmys jasaǵan. Bul kórsetkish ótken jylmen salystyrǵanda 45 paıyzǵa ósip otyr.

- Jasóspirimderdiń qylmys jasaýynyń negizgi sebepteriniń biri - ata-analardyń óz balalarynyń minez-qulqyn, is-áreketin jóndi baqylamaýy. Kámelettik jasqa tolmaǵandar zańbuzýshylyqtardy sabaqtan tys ýaqytta jasaǵan. Kúndizgi ýaqytta - 49, túnde - 15, - dedi ShQO PD jergilikti polıtsııa qyzmeti bastyǵynyń orynbasary Nurlan Jarlyǵaqov.

Jasóspirimder arasyndaǵy eń kóp kezdesetin quqyq buzýshylyq - tóbeles kezinde túrli dárejedegi dene jaraqatyn keltirý.

Zań buzǵan balalardyń ishinde 27-si tolyq emes otbasynda tárbıelengen. Quqyq buzýshylyq jasaǵandar túgel derlik er balalar, arasynda tek bir ǵana qyz bar.

Eske salsaq, osyǵan deıin Májilis depýtaty Nartaı Sársenǵalıev jasóspirimderdi jumyspen qamtý máselelerin kóterip, olarǵa arnaıy jańa saqtandyrý klasyn engizýdi jáne jumys berýshilerdi yntalandyrýdy usynǵan bolatyn.