ShQO-da jasyryn fıtolaboratorııa anyqtalyp, 1,5 keli esirtki tárkilendi

ÓSKEMEN. KAZINFORM — Shyǵys Qazaqstan oblysynda tyıym salynǵan ósimdikter ósirgen fıtolaboratorııa anyqtaldy.

Shyǵys Qazaqstan oblysynyń polıtsııa qyzmetkerleri jasyryn fıtolaboratorııa uıymdastyrǵandardyń jolyn kesti. Tyıym salynǵan ósimdikterdi ósirý faktisi jedel izdestirý is-sharalary barysynda belgili boldy.

— Óńirdiń 53 jastaǵy turǵynyna tıesili turǵyn úı men irgeles aýmaqty sanktsııalanǵan tintý kezinde polıtseıler fıtolaboratorııa túrinde jumys istegen arnaıy jabdyqtalǵan úı-jaıdy tapty. Onda arnaıy jabdyqtardy qoldana otyryp, esirtki ósirilgen, — dep habarlady ShQO Polıtsııa departamentinen.

Zańsyz aınalymnan 28 túp ósimdik, ótkir ıisi bar ósimdik tektes zat salynǵan 18 polımerli paket, ósirýge arnalǵan tehnıkalyq quraldar, atap aıtqanda jaryqdıodty shamdar, jeldetkishter jáne elektrondy tarazylar tárkilendi.

Saraptama qorytyndysy boıynsha tárkilengen esirtki zattarynyń jalpy salmaǵy shamamen 1,5 kelini qurady.

Eske salsaq, osyǵan deıin Qostanaı oblysynda ınternet arqyly esirtki satqan turǵyn ustalǵany habarlanǵan.