ShQO-da jasandy jolmen túsirilgen qar kóshkini tasjoldy basyp qaldy
ÓSKEMEN.QazAqparat – Shyǵys Qazaqstan oblysynda jasandy jolmen túsirilgen qar kóshkini tasjoldy basyp qaldy, dep habarlaıdy QazAqparat tilshisi.
«25 jeltoqsanda saǵat 11.00-de qar kóshkinin aldyn ala túsirý jumystarynyń júrgizilýine baılanysty oblystyq mańyzy bar «Óskemen-Tarǵyn-Samar» tasjolynyń 132 shaqyrymda kólik qozǵalysy shekteldi», - dep málim etti ShQO Polıtsııa departamenti bastyǵynyń birinshi orynbasary Janbolat Kaletaev.
Qar kóshkinin túsirý jumystaryn «Kazselezaşıta» fılıaly júrgizýde. Osy rette, departament gıdrometeorologııalyq jaǵdaıǵa baılanysty turǵyndarǵa qar basqan taý bókterinde shańǵy teýip, serýendeýge shyqpaýǵa keńes beredi.
